Melda til við navni, teldupostadressu og fartelefonnummari gjøgnum javnvag@javnvag.fo, facebook ella á 516699.

Hetta er til tín, sum ynskir:

• Javnvág í hormon- og nervaskipanini.
• At vera tilvitað um tekin frá kroppinum og at arbeiða við og ikki ímóti tíni egnu rútmu og natúrligum broytingum í kroppinum.
• At varveita og betra um styrkina í innaru kjarnuni gjøgnum eitt gott samstarv millum andadráttin, kokubotnin, innaru búkvøddarnar og innaru ryggvøddarnar.
• At betra um tilvitanina um, hvussu tú natúrliga tekur kokubotnin og innaru kjarnuna við í rørslur og aktivitetir í dagligdegnum.

Gangligt fyri allar kvinnur. 

Tímin er gagnligur fyri kvinnur í øllum aldri – yngri sum eldri og óroyndar sum royndar:

• Javnvagar tína orku, stimbrar umrensl og hvíld um gøgnini, skapar innaru ró og gevur djúpa hvíld.
• Stimbrar tað hvílandi hormon- og nervaskipanina til eitt meira gagnligt og hóskandi virkisførið.
• Virkar ímóti eyðkennum av hormonellari ójavnvág, so sum; niðursettari orku, rastloysi, máttloysi, skiftandi sinnalagi, óró í svøvni, hitaskiftum og bløðingarólagi.
• Virkar ímóti strongd og útbrendheit.

• Økir kropsliga tilvitan og styrkir kokubotn og innaru kjarnuna. Øktu kropsligu tilvitanina, kanst tú taka við tær til aðra venjing og gerandisdagin sum heild. 

Arbeitt verður við andavenjingum, mildum rørslum, uppbyggjandi kropsstøðum og djúpari hvíld.

Sum nýbyrjari leggur tú dent á rørslurnar og hugsar ikki so nógv um andadráttin. Sohvørt tú fær fleiri royndir koma kropsligu rørslurnar at fylgja tíni egnu nátúrligu rútmu í andadráttinum. Hetta kann taka nakað av tíð, so lat teg ikki ørkymla av tí.

Tað eru eingin krøv um avrik, og kropsligu rørslurnar verða tillagaðar tí einstaka.

Mælt verður til at hava eina eyka troyggju at fara í ella okkurt at taka útyvir seg til styttri hvíldina, møguliga eisini einar ullintar hosur.

Tað, sum hevur stórstan týdning í tilveruni, er tað, sum hendir uttanfyri yogamottuna. Yogamottan er eitt “pit stop” í gerandidegnum, ein stutt vitjan, har tú heilsar uppá, leggur merki til og stillar ljóðførið.