“Eg kann veruliga viðmæla øllum kvinnum at fara á hetta skeið. Menn høvdu ivaleyst eisini kunna lært nakað gott”
Merkir tú nakað til m.a. møði, at tola minni av, meira nærtakandi, skjótari kenslu av strongd, skiftandi sinnalag, PMS, temperaturbroytingar og hitabylgjur, broyttan svøvn, órógv í svøvninum, broytta húð, turrar slímhinnur, bløðrubruðna-líknandi eyðkenni, høvuðpína/migræna, lið- og vøddapína, hjartabankan, vektøking og “fuffy” heilaaktivitet?
Hetta kunnu vera tekin um natúrligar hormonellar broytingar.
Um tú tíðliga skilur natúrligu broytingarnar, sum spakuliga byrja mitt í 30′, kann tú betur stuðla kroppinum og síggja stóra virði í broytingunum, so tú ikki allgoyst og fullkomuliga ófyrireika renir teg í skiftisárini sum vanliga seta inn umleið frá 49 – 52 ár.
Hvørjar eru hesar natúrligu broytingar, sum henda í kroppinum gjøgnum árini upp til og í skiftisárunum?
Hvussu kanst tú fyrireika teg til hesar broytingarnar.
Hvussu kanst tú arbeiða við og ikki ímóti hesum broytingum?
Hvussu kunnu skiftisárini fevna um stórar menningarmøguleikar við lívsgleði og trivnaði?
Hesar spurningar fáa vit m.a. vent á skeiðinum.
Skeiðið er skipa við blíðum yoga rørslum, andavenjingum, framløgu, reflektión, stillum yogastøðum og djúpari hvíld. Dentur verður lagdur á at fata vitan gjøgnum kroppin, og tíð er til at venda uppmerksemið inneftir og at merkja seg sjálvan.
Skeiðið er til tín, sum er “forvitin”, til tín sum merkir smærri broytingar og til tín sum merkir størru broytingar. Til tín, sum hevur bløðingar og tíl tín, sum ikki hevur bløðingar.
Skeiðið verður tí bjóða út til tín sum kvinna frá mitt í 30′, soleiðis, at tú ikki allgoyst og fullkomuliga ófyrireika renir teg í skiftisárini.
Viðmælið: Randi Durhuus: “Eri glað fyri at eg fór, tí skeiðið var bæði upplýsandi, gevandi, deiliga róligt, leskiligt og hugnaligt. Harafturat gav tað mær ymiskt at hugsa um :-).” Bergtóra Høgnadóttir: “Well altso….’skeið um skiftisár’. Fór á skeið við eitt sindur ambivalentum hugburði. Áhugavert, men kanska eitt sindur ov nógv av tí góða?” hugsaði eg áðrenn. Men tað veit denninar: “Eg kann veruliga viðmæla øllum kvinnum at fara á hetta skeið. (Menn høvdu ivaleyst eisini kunna lært nakað gott). Fekk svar upp á nógvar spurninngar og lærdi ein hóp. Ì nærverandi, tryggum og góðum kørmum.Tú ert ófør og dugir so væl, at skapa ein góðan anda, Marianna. “Takk…frá várkvinnu 
😉 .” Hansina Dahl: “Skeiðið um skiftisárini er sera gott og hent hjá øllum kvinnum at taka. Eg kenni meg takksaman fyri vitanina, eg fekk frá Marionnu. Havi í veruleikanum størri virðing fyri egnum kroppi aftaná skeiðið, tí við nýggju vitanini fekk eg tættari samband við hann. Marianna dugir einastandandi væl at undirvísa, og so servererar hon alvorliga lekkurt ábit til hetta skeiðið:).” Petra Olsen: “Eg havi veriđ til eitt skeiđ hjá Marionnu um skiftisárini hjá kvinnum. Eg lærdi nøkur góđ øvilsir, harumframt lærdi eg eina rúgvu um kropp, kenslur og kvinnur. M.a. um, hvussu ringrásin hjá kvinnuni og náttúruni eru spegilsmyndir hvør av øđrum. So sera áhugavert. Hetta er eitt skeiđ, sum eg vil viđmæla:).”
Undir kunning sær tú, nær skeiðini hjá Javnvág eru. Les meira
