Mánadagar kl. 14.00 – 15.30

Skeið á 5 vikur 15. januar til 12. februar 2024.

Skeið á 5 vikur 19. februar til 18. mars 2024.

Melda til við navni, teldupostadr. og fartelefonr. á javnvag@javnvag.fo ella á 516699 innan 3. januar. Síðani verður teldupostur sendur í mun til kunning og gjald.

Kostnaður: kr. 800,-

Stað: Grønlendingahúsið, Jøkulstræti 8, Tórshavn

Mammuyoga við pinkubørnum er bæði eftirføðingaryoga til tín sum mamma og zoneterapi og sansastimbran til barnið. 

Skeiðið er bæði til tín, sum hevur átt vaginalt og við keisaraskurði.

Tú kann luttaka frá uml. 6 – 8 vikur eftir føðing og fram til at barnið er í grulvialdri. Við keisaraskurði frá uml. 8 – 12 vikur eftir føðing.

Á ein mildan hátt verður arbeitt við at fevna um broytingarnar í kroppinum eftir barnsburð og føðing ígjøgnum andavenjingar, kropsligar venjingar og djúpari hvíld, sum styrkja og stuðla kropsliga og sálarliga. 

Vit arbeiða við kropsligari tilvitan og tí góða kropsburðinum, sum er sera gagnligur í gerandislívinum sum heild. Serligur dentur verður lagdur á tað heilt grundleggjandi samstarvið ímillum andadráttin, kokubotnin, teir innaru búkvøddarnar og bøllarnar. 

Til barnið gera vit skiftivís sansastimbran við sangi og rørslum og zoneterapi á føtur og lør, har tú lærir at stimbra og stuðla sodning, hvíld, immumverju og linnan við tannframbrotið.

Sum luttakari hevur tú atgongd til privatan facebookbólk, har m.a. góð ráð og venjingar eru tøkar.

Sunnvá Húsgarð: “Eg vil avgjørt viðmæla øllum mammum at fara til mammuyoga við pinkubørnum í Grønlendingahúsinum. Ein fær heilt víst nógv burturúr venjingunum, og samstundis ein friðsæl og mennandi løta hjá mammu og barni, at bara njóta hvørt annað. Marianna er sera dugnalig og vælvitandi innan økið, og meir afturat, og við hennara tolna og blíða lyndi gerst tímin sera behagiligur og avslappandi. Heilt víst væl brúktir tímar í mínum barnsburðarfarloyvi.”

Hjørdis Gudmundsen: “Eg og Tóki hava gingið til hetta skeiðið við Marianna. Hetta er vælvera fyri bæði mammu og pinkubarn. Eg vil viðmæla øllum mammum við pinkubørnum at fara – so gott, avslappandi og mennandi fyri bæði mammuna og lítla barnið.”